Ужо сёння, зайшоўшы ў фае Лагойскага Цэнтра культуры і вольнага часу, можна ўбачыць на сценах вялікія палотны з выявамі прыгожых жанчын і дзяўчат. Гэта карціны, напісаныя навучэнцамі рэспубліканскага каледжа мастацтваў імя Ігара Ахрэмчыка.
У бліжэйшыя дні ў Цэнтры з’явіцца яшчэ некалькі работ, а 9 сакавіка а 15 гадзіне адбудзецца прэзентацыя выставы «Натхненне». На яе завітаюць госці са сталіцы, мастакі, у тым ліку наш зямляк, намеснік дырэктара каледжа мастацтваў Пётр Багданаў.
На прэзентацыю можа прыйсці кожны жадаючы. Карціны, прысвечаныя тэме вясны і жаночай прыгажосці, будуць выстаўляцца ў Лагойскім РЦКД (вул. Савецкая, 13) на працягу сакавіка. Дадатковую інфармацыю пра выставу можна атрымаць па тэл. 53-8-42.